Қазақстан Республикасы Жоғары Сот Кеңесінің жанындағы Сот төрелігі академиясында бейінді білім беру бағдарламаларының магистранттары арасында құқықтық турнир өтті.

Зияткерлік жарысқа 5 команда қатысты, олар теориялық дайындықтың жоғары деңгейін, құқықтық талдаудың дамыған дағдыларын және азаматтық-құқықтық пәндер мәселелері бойынша өз ұстанымдарын дәлелді түрде қорғай білуін көрсетті.

Қазылар алқасының құрамына Жоғары Сот Кеңесінің мүшелері мен сот төрелігі академиясының басшылығы кірді.

Турнир бағдарламасына алты тур кірді: латын тіліндегі құқықтық өрнектер мен құқық принциптерін білу, құқықтық терминдер, сот төрелігі тарихы бойынша тапсырмалар, құқықтық оқиғаларды шешу, нормативтік құқықтық актілердің мәтіндерімен жұмыс, сондай-ақ «Заң аудармашысы» капитандар байқауы.

Турнир қорытындысы бойынша үш команда дипломдармен марапатталды:

I дәрежелі диплом – 25-1р топ;

II дәрежелі диплом – 25-3р топ;

III дәрежелі диплом – 25-4р топ.

Сондай-ақ, капитандар конкурсының жеңімпазы мен құқықтық білімі бойынша ерекше көзге түскен магистранттарға грамоталар табысталды.

Қатысушылар турнир өз білімдерін тексеруге, құқықтық талдау дағдыларын көрсетуге, құнды практикалық тәжірибе алуға, сондай-ақ командалық рухты нығайтуға және магистранттардың бірігуіне ықпал еткенін атап өтті.