Ынтымақтастық туралы меморандум шеңберінде Жоғары Сот Кеңесі жанындағы Сот төрелігі академиясының магистранттары үшін Әзірбайжан Республикасының Әділет министрлігінің Әділет академиясында халықаралық тағылымдамадан өту ұйымдастырылды. Бағдарлама екінші рет өткізілуде: алғашқы топ магистранттары өткен жылдың желтоқсан айында тағылымдамадан өткен.

Бағдарламаның ашылуында Әзербайжан Республикасы Жоғарғы Соты Төрағасының орынбасары, Сот-құқықтық кеңестің мүшесі Чингиз Аскеров, сондай-ақ Әзербайжан Республикасы Әділет министрлігінің Әділет академиясының ректоры Ровшан Исмайлов дәріс оқыды.

Тағылымдама білім беру процесінің бөлігі болып табылады және практикалық дағдыларды дамытуға және заманауи кәсіби құзыреттіліктерді қалыптастыруға бағытталған оқу пәні ретінде есептеледі.

Тағылымдама кезеңінде құқық қолданудың біркелкілігін қамтамасыз етуді, ғылыми қоғамдастықтың қатысуымен сот практикасын қайта қарауды, кассациялық сатыда жазбаша іс жүргізуді қолдануды қоса алғанда, сот қызметінің өзекті мәселелерінің кең ауқымы қаралады. Сондай-ақ сот жүйесін цифрландыруға және азаматтық, қылмыстық және әкімшілік істерді қарау ерекшеліктеріне назар аударылады. Магистранттар сондай-ақ Әзербайжанның Конституциялық Сотының, Жоғарғы Сотының және әртүрлі сатыдағы соттардың қызметімен танысады.

Судья кадрларын даярлау саласындағы халықаралық ынтымақтастықты дамыту Жоғары Сот Кеңесінің жетекшілігімен жүзеге асырылып, озық тәжірибелерді енгізуге, тәжірибе алмасуға және білім беру үдерісін жетілдіруге бағытталған.