2026 жылғы 28-30 сәуірде Астана қаласында Қазақстанның 15 өңірінен келген жас заңгерлерге, судьяларға және құқық қорғау органдарының қызметкерлеріне арналған «Young Professionals in Justice» қарқынды білім беру тренингі өтті.

Шараны Қазақстан Республикасының Конституциялық Соты мен Жоғарғы Соты Астанадағы ЕҚЫҰ Бағдарламалар кеңсесінің қолдауымен ұйымдастырды. Тренинг бағдарламасы кәсіби құзыреттерді дамытуға, тәжірибе алмасуға және құқық қолдану тәжірибесіндегі өзекті мәселелерді талқылауға бағытталған бес тақырыптық сессияны қамтыды.

Аталған іс-шараға Жоғары Сот Кеңесінің жанындағы Сот төрелігі академиясы Мемлекеттік-құқықтық пәндердің ғылыми-білім беру орталығының доценті, философия ғылымдарының кандидаты Джусупова Раушан Сеит-Аскаровна белсенді қатысып, «Судьялық этика: ішкі таңдаудан қоғамның сеніміне» тақырыбында дәріс өткізді.

Дәріс барысында Р.С.-А. Джусупова сот төрелігі қағидаттары судьяның ішкі ұстанымынан – оның этикалық бағдарларынан, кәсіби ар-ожданынан және заңның әрпіне ғана емес, сонымен қатар бейтараптық пен әділеттілік қағидаттарына негізделген шешім қабылдау қабілетінен басталатынын атап өтті. «Ішкі таңдау» және «судьяның ішкі бостандығы» ұғымдары, сондай-ақ олардың сыртқы қысым мен жанжал жағдайындағы өзара байланысы мен маңызы қарастырылды.

Сонымен қатар, дәріс барысында судьяның сот жүйесі өкілдерінің кәсіби құзыреттілігінің маңызды құрамдас бөлігі болып табылатын қарым-қатынас, эмоционалды интеллект, стресске төзімділік және қоғаммен өзара іс-қимыл дағдыларын қоса алғанда, «икемді дағдыларын» дамыту мәселелері қозғалды.