Сот төрелігі академиясының магистранттары ұлы классикамен қауышты: «Жастар» театрында «Ақ кеме» спектаклі қойылды
2026 жылғы 18 қыркүйекте Қазақстан Республикасы Жоғары Сот Кеңесі жанындағы Сот төрелігі академиясының магистранттары Академияның Мемлекеттік-құқықтық пәндердің ғылыми-білім беру орталығының директоры Т.С. Нұрышеваның жетекшілігімен елордалық «Жастар» театрына барып, көрнекті жазушы Шыңғыс Айтматовтың әйгілі повесінің желісі бойынша сахналанған «Ақ кеме» драмасын тамашалады.
Көрермен қауымға терең философиялық ой салған бұл қойылым болашақ судьяларды басты кейіпкер – жеті жасар баланың жан тебірентерлік әрі қасіретті әлеміне жетеледі. Бас кейіпкердің пәк сезімі мен таза жаны арқылы бұл спектакль адамгершілік, мейірімділік, адамдық құндылықтарға адалдық және жақсылық пен жамандықтың арасындағы бітпес майдан сияқты мәңгілік тақырыптарды арқау етті.
Магистранттардың болашақ кәсіби қызметі тұрғысынан алғанда, әділдік, ар-ождан және адамның қоғам алдындағы жауапкершілігі тақырыптары ерекше маңызға ие болды. Қойылым аяқталғаннан кейін қызу талқылау өтті: болашақ құқық магистрлері шығарманың күрделі финалдық түйіні, автор көтерген әлеуметтік келеңсіздіктер мен кейіпкерлердің тағдыры төңірегінде пікір алмасты.
Осындай маңызды мәдени іс-шараларға бару білім алушылардың дүниетанымын кеңейтіп қана қоймай, сот корпусының болашақ өкілдерінің бойында жоғары этикалық құндылықтарды қалыптастыруға септігін тигізетін рухани-адамгершілік тәрбиенің қуатты құралы болып табылады.
