MNU-мен меморандумға қол қою
2025 жылғы 10 ақпанда Қазақстан Республикасы Жоғары Сот Кеңесі жанындағы Сот төрелігі академиясы ректорының м.а. К.К. Мусин және Maqsut Narikbayev University Провосты С.Г. Пен ынтымақтастық туралы Меморандумға қол қойды. Қол қою рәсімі Жоғары Сот Кеңесінің мүшесі, з.ғ.д. Е.Н. Бегалиевтің, Жоғары Сот Кеңесінің мүшесі, Жоғарғы Сот судьясы А. М. Нұрбековтың, Сот білімі және біліктілік емтиханын ұйымдастыру бөлімінің меңгерушісі А.Б. Қайжақпарова және Сот төрелігі академиясының Академиялық бағдарламалар мен жобалар орталығының директоры М.Н. Абилованың қатысуымен өтті.
Бұл меморандум білім беру және ғылыми-зерттеу қызметі саласында, сондай-ақ кітапханалық-ақпараттық қызмет көрсету саласында бірлескен бастамаларды іске асыруды көздейді. Атап айтқанда, тараптар арасында сабақ жүргізу мақсатында мамандармен алмасу және оқу процесін ұйымдастыру мен өткізу саласында тәжірибе алмасу, бірлескен ғылыми зерттеулер, сондай-ақ заң ғылымы мен тәжірибе мәселелері бойынша ғылыми-практикалық іс-шаралар өткізу жоспарлануда.
Сот төрелігі академиясы меморандум шеңберінде нәтижелі және өзара тиімді ынтымақтастыққа бағытталған.
