2025 жылғы 3 шілдеде Қазақстан Республикасы Сот төрелігі академиясының қабылдау комиссиясының жауапты хатшысы Сембекова Б.Р. Instagram және Facebook әлеуметтік желілерінде жазылушылармен онлайн кездесу өткізді. Барлық қатысушылар қабылдау ережелері туралы тікелей эфирде сұрақ қою мүмкіндігіне ие болды.

Кездесу барысында Қазақстан Республикасы Сот төрелігі академиясына түсуге қойылатын талаптар егжей-тегжейлі түсіндірілді. Ерекше назар судьялар даярлау бойынша екі білім беру бағдарламасына бөлінді: 7М04202 – «Сот және құқық қорғау» профильді бағыты (1 жыл оқыту), 7М04201 – «Сот және құқық қорғау» ғылыми-педагогикалық бағыты (2 жыл оқыту).

Сондай-ақ магистратураға түсу кезеңдері, мемлекеттік білім беру тапсырысы аясында немесе магистранттың өз қаражаты есебінен оқу мүмкіндіктері туралы айтылды.