Академияның Ғылыми кеңесінің кезекті отырысы өтті
2024 жылғы 10 желтоқсанда ҚР Жоғары Сот Кеңесінің жанындағы Сот төрелігі академиясында Ғылыми кеңестің кезекті отырысы өтті.
Отырыста келесі сұрақтар қаралды: Академияны ақпараттандыру және цифрландыру жағдайы туралы, Академия магистранттарының кәсіптік практикадан өту барысы туралы және Академияның облыстық және оларға теңестірілген соттардың оқу орталықтарымен өзара іс-қимылын қамтамасыз ету туралы.
Сонымен қатар, уәкілетті органның ұсыныстары мен ұсынымдарын ескере отырып, ҚР Жоғары Сот Кеңесінің жанындағы Сот төрелігі академиясын дамытудың 2025-2029 жылдарға арналған Тұжырымдамасының жобасы және ақылы курстар Жоспар-кестесінің жобасы талқыланды.
