2026 жылғы 26 ақпанда Қазақстан Республикасы Жоғары Сот Кеңесі жанындағы Сот төрелігі академиясының профессорлық-оқытушылық құрамы мен магистранттары көшпелі сабақ аясында Қазақстан Республикасының Конституциялық Сотына барды.

Іс-шараны Мемлекеттік-құқықтық пәндердің ғылыми-білім беру орталығының директоры Толқын Серікқалиқызы Нұрышева «Конституциялық заңнаманы қолдану практикасы» пәні шеңберінде ұйымдастырды. Сапардың негізгі мақсаты – болашақ судьяларды конституциялық іс жүргізу аясында өтініштерді қарау және шешімдер қабылдау рәсімімен, сондай-ақ Конституциялық Соттың нормативтік қаулыларын қолданыстағы құқықтың құрамдас бөлігі ретінде дайындау ерекшеліктерімен таныстыру болды.

Магистранттар үшін Қазақстан Республикасының Конституциялық Сотында «Қазақстан Республикасындағы банктер және банк қызметі туралы» ҚР Заңы 50-бабының 4-тармағының конституциялылығын қарау бойынша өткен ашық отырысқа қатысу ерекше практикалық маңызға ие болды.

Магистранттар отырыс жүргізу тәртібін, қатысушылардың сөйлеген сөздерін және Қазақстан Республикасы Конституциясы нормаларының іс жүзінде іске асырылуын тікелей бақылай алды, бұл оларға конституциялық іс жүргізудің ерекшеліктерін тереңірек түсінуге мүмкіндік берді.

Көшпелі сабақ барысында магистранттар Конституциялық Соттың мұражайын аралап, Қазақстан Республикасындағы конституциялық бақылау институтының қалыптасу тарихымен танысты.

Конституциялық Соттың кәсіби ортасына тікелей ену маңызды білім беру және практикалық мәнге ие, сондай-ақ магистранттардың Қазақстан Республикасының сот жүйесіндегі алдағы қызметіне қажетті тұрақты кәсіби құзыреттіліктерін қалыптастыруға ықпал етеді.

ҚР Жоғары Сот Кеңесі жанындағы Сот төрелігі академиясы осы іс-шараны ұйымдастыруға және өткізуге көрсеткен қолдауы үшін ҚР Конституциялық Сотының Төрайымы мен Аппаратына шынайы алғысын білдіреді.