2025 жылғы 17 қазанда Қазақстан Республикасының Жоғары Сот Кеңесі жанындағы Сот төрелігі академиясында магистранттарға нақты сот процесінің атмосферасына енуге мүмкіндік беретін практикалық сабақ өтті. «Азаматтық процестік заңнамасының нормаларын қолдану» пәні аясында 25-1қ тобының магистранттары «Ата-ана құқығынан айыру туралы» азаматтық іс бойынша сот отырысын білім беру мақсатында модельдеді.

Магистранттар өмірлік маңызды құқықтық дауға негізделген істің егжей-тегжейлі сюжетін дербес әзірледі. Сценарий дәлелдемелерді мұқият талдауды, тараптардың дәлелдерін бағалауды, сондай-ақ материалдық және процестік құқығының нормаларын қолдануды талап ететін отбасы құқығының күрделі аспектілерін қамтыды.

Имитациялық процесс барысында магистранттар төрағалық етуші судьяның, сот отырысы хатшысының, прокурордың, талап қоюшының, жауапкердің, сондай-ақ куәгерлердің негізгі рөлдерін алды. Бұл қатысушыларға осы сот процестеріне тән психологиялық шиеленісті және жауапкершіліктің жоғары дәрежесін сезінуге мүмкіндік берді.

Мұндай интерактивті сабақ форматтары қазіргі заманғы заң білімінің ажырамас бөлігі болып табылады. Олар теориялық білімді практикалық құзыреттілікке айналдырады. Сот процестерінің білім беру модельдерін жүргізу Сот төрелігі академиясының стратегиялық міндетіне – Қазақстанның сот жүйесін нығайту үшін жоғары білікті, этикалық және нақты практикаға дайын кадрларды даярлауға толық сәйкес келеді.