2026 жылғы 15 қаңтарда Жоғары Сот Кеңесінде оның Төрағасы Дмитрий Михайлович Малаховтың шақыруымен көрнекті ғалым және педагог, профессор Баймолдина Зауреш Хамитқызының 70-жылдық мерейтойына арналған салтанатты жиын өтті. Іс-шараға Кеңес мүшелері, оның аппаратының қызметкерлері және Сот төрелігі академиясының ұжымы қатысты.

Дмитрий Михайлович Малахов мерейтой иесін жылы лебізбен құттықтап, Зәуреш Хамитқызының көпжылдық әрі жемісті еңбек жолын жоғары бағалады. Ол оның Сот төрелігі академиясының институционалдық дамуына, жоғары білікті судья кадрларын даярлауға, сондай-ақ заманауи білім беру және ғылыми бағдарламаларды қалыптастыру мен нығайтуға қосқан елеулі үлесін атап өтті. Төраға кәсібилік, адалдық және жеке жауапкершілік арқылы Академияның ғана емес, тұтастай сот жүйесінің дамуына берік негіз қаланғанын ерекше атап өтті.

Салтанатты жиын барысында жоғары мәртебелі қонақтардың құттықтаулары оқылды. Қазақстан Республикасы Парламенті Сенаты Төрағасының орынбасары Жақып Қажманұлы Асановтың мерейтой иесіне жолдаған құттықтау үндеуі ерекше ықыласқа ие болды. Ол өз сөзінде: «Кәсіби қызмет жолында Сіздей жоғары деңгейлі, принципшіл әрі жауапты басшымен бірге жұмыс істеу – үлкен мәртебе. Сіздің Сот төрелігі мен сот білімін дамытуға қосқан үлесіңіз – мемлекетті нығайтуға қосылған сүбелі үлес», – деп атап өтті.

Сонымен қатар, жетекші отандық және шетелдік ғылыми орталықтардың ғалым-әріптестері Зәуреш Хамитқызына терең құрмет пен ризашылықтарын білдіріп, зор денсаулық, амандық және жаңа шығармашылық жетістіктер тіледі.

Кездесу барысында Кеңес мүшелері мен аппарат қызметкерлері мерейтой иесінің судьялар корпусын жетілдіруге қосқан жүйелі үлесін атап өтсе, Сот төрелігі академиясының өкілдері оның оқу-әдістемелік базаны нығайтудағы, ғылыми зерттеулерді дамытудағы және Alma Mater беделін арттырудағы баға жетпес рөлін ерекше атап өтті.

Іс-шара соңында профессор Баймолдина Зәуреш Хамитқызы көрсетілген құрмет, жылы лебіздер мен еңбегіне берілген жоғары баға үшін баршаға шын жүректен алғысын білдірді. Ол Жоғары Сот Кеңесі мен Сот төрелігі академиясының табысты болашағына сенім білдіріп, әріптестеріне ұлттық сот жүйесін дамыту жолында мол табыс тіледі.