«Сот орындаушыларының шешімдеріне (қаулыларына), әрекеттеріне (әрекетсіздігіне) шағымдану: проблемалық мәселелер» тақырыбында «Ашық алаң» форматындағы заңгерлердің тақырыптық диалогы
2024 жылғы 19 желтоқсанда сот төрелігі академиясында «Cот орындаушыларының шешімдеріне (қаулыларына), әрекеттеріне (әрекетсіздігіне) шағымдану: проблемалық сұрақтар» тақырыбында «Ашық алаң» форматындағы заңгерлердің тақырыптық диалогы өтті. Іс-шараны Мемлекеттік-құқықтық пәндердің ғылыми-білім беру орталығы аралас офлайн/онлайн форматта ұйымдастырды.
Талқылау басында з.ғ.к., ректордың м.а. Қ.Қ. Мусин құттықтау сөз сөйлеп, жоғарыда аталған орталықтың директоры з.ғ.к. Т.С. Нұрышева алғы сөз сөйледі.
Іс — шара барысында ШҚО Әділет департаментінің сот орындаушыларының қызметін реттеу және бақылау бөлімінің бас маманы, құқық магистрі Д.Т. Рахимова, сондай-ақ Жамбыл облысы Әділет департаментінің «Жамбыл ауданаралық аумақтық мәжбүрлеп орындау бөлімі» филиалының басшысы – аға сот орындаушысы, Сот төрелігі академиясының магистранты М.М. Қожамжаров баяндама жасады. Спикерлер талқыланатын тақырып аясындағы өзекті мәселелерді қозғап, көзқарастары мен құқық қолдану тәжірибелерімен бөлісті.
Тақырыптық диалогтың пікірталас сессиясына: Д.А. Олейник — Висмар қ. қолданбалы ғылымдар университетінің (Германия) ғылыми қызметкері; У.Н. Курганов — ҚР жеке сот орындаушыларының Республикалық палатасының бас сарапшысы, С.Р. Куликова — Астана қаласы Адвокаттар алқасы төралқасының мүшесі, біліктілікті арттыру орталығының басшысы, А.С. Палмаханова — Астана қаласы адвокаттар алқасының адвокаты белсенді қатысты, сондай-ақ Сот төрелігі академиясының профессор-оқытушылар құрамы мен магистранттары да қатысты.
Мұндай іс-шаралар пікір алмасуға және тәжірибе алмасуға арналған алаң болып табылады жәнеде магистранттарда аналитикалық жұмыс жүргізу дағдыларын қалыптастыруға көмектеседі.
