Алдағы Тәуелсіздік Күні қарсаңында ҚР Жоғары Сот Кеңесінің жанындағы Сот төрелігі академиясында жоғары оқу орындары арасында волейболдан турнир өтті. Жеңіс үшін елордадағы үш университеттің командалары бақ сынады: Қазақстан Республикасы Президенті жанындағы Мемлекеттік басқару академиясы, Астана халықаралық университеті және ҚР Жоғары Сот Кеңесінің жанындағы Сот төрелігі академиясының командасы.

Спорттық кездесулер төмендегідей нәтижелермен қорытындыланды:

1-орын – Астана халықаралық университетінің командасы;

2-орын – Сот төрелігі академиясының командасы;

3-орын – Мемлекеттік басқару академиясының командасы.

Жеңіске деген ерік-жігері мен спорттық рухы үшін жеке ойыншылар да атап өтілді. Турнирдің үздік ойыншылары атағына Т.К. Амренов мен М. Есимов лайық деп танылып, арнайы грамоталармен марапатталды.

Іс-шара достық атмосферада өтіп, корпоративтік мәдениеттің, сауықтыруға бағытталған бәсекелестіктің және жоғары оқу орындары арасындағы байланысты нығайтуға деген ұмтылыстың жарқын көрінісіне айналды. Сот төрелігі академиясы алдағы уақытта да осындай сайыстарды өткізуді жоспарлап, салауатты өмір салтын насихаттауды және кәсіби өзара ықпалдастыққа арналған алаңдар қалыптастыруды жалғастырмақ.