2025 жылғы 20 қыркүйекте Қазақстан Республикасы Жоғары Сот Кеңесі жанындағы Сот төрелігі академиясының қызметкерлері мен магистранттары Астананың Сарыарқа ауданы әкімдігі ұйымдастырған «Таза Қазақстан» экологиялық акциясына қатысты.
Шараға қатысушылар ағаштар мен бұталарды отырғызып қана қоймай, елорда экологиялық ортасын жақсарту мен көгалдандыруға өз үлестерін қосты.
Академия өкілі Ержан Ошақбайұлы Егембердиев атап өткендей: «біз үшін бұл экоакция қаланы көгалдандыру ғана емес, сонымен қатар экологияға қамқорлық әркімнен басталатынын жеке мысалмен көрсету мүмкіндігі».
Сот төрелігі академиясы табиғатты қорғауға, азаматтық жауапкершілікті қалыптастыруға және экологиялық мәдениетті дамытуға бағытталған бастамаларды белсенді түрде қолдайды.