2025 жылғы 1 тамыздағы №57 (3958) «Юридическая газета» газетасында Қазақстан Республикасы Жоғары Сот Кеңесі жанындағы Сот төрелігі академиясының вице-ректоры, заң ғылымдарының кандидаты К.К. Мусиннің «Жаңару және тұрақты даму курсы» атты мақаласы жарияланды.
Мақалада К.К. Мусин Сот төрелігі академиясының қалыптасу тарихымен бөлісіп, Қазақстан Республикасы Жоғары Сот Кеңесінің жетекшілігімен жүзеге асырылып жатқан жаңғырту жұмыстары мен жаңа жобалары туралы баяндайды.
2025 жыл Сот төрелігі академиясы үшін түбегейлі өзгерістерге толы кезең болды. Академияны Жоғары Сот Кеңесінің қарамағына беру – сот білімін жаңғырту, ғылыми қызметті дамыту және Академия беделін арттыру жолындағы маңызды қадам болды.
Автор жыл ішінде қол жеткізілген маңызды нәтижелерге ерекше назар аударады: докторантура бағдарламаларына лицензия алу, ғылыми ұйым ретінде аккредитациядан өту, магистратура бағдарламаларын жаңарту және судьялардың біліктілігін арттырудың жекеленген бағдарламалар бойынша даярлау жүйесін енгізу. Сондай-ақ, Академияның «Сот төрелігі академиясының хабаршысы» ғылыми журналы Қазақстан Республикасы Ғылым және жоғары білім министрлігінің Ғылым және жоғары білім саласында сапаны қамтамасыз ету комитеті (ҒЖБСҚК ҒЖБМ РК) ұсынған басылымдар тізіміне енді.
Қазақстан Республикасы Жоғары Сот Кеңесінің Төрағасы Д.М. Малаховтың стратегиялық басшылығының арқасында Академия кәсіби судья кадрларын даярлауға арналған заманауи ғылыми-білім беру платформасын қалыптастырып, еліміздегі сот төрелігі жүйесінің орнықты дамуына елеулі үлес қосып келеді.

Мақаланың толық нұсқасын төменде қөрсетілген сілтеме арқылы оқуға болады: https://zan-info.kz/wp-content/uploads/2025/08/ug-57-2025-q7deqw.pdf