2026 жылғы 27 тамызда ҚР Жоғары Сот Кеңесі жанындағы Сот төрелігі академиясында ағымдағы оқу жылындағы Ғылыми кеңестің алғашқы отырысы өтті.

Отырыста Академияның 2026-2027 оқу жылына арналған магистратураға (ғылыми-педагогикалық бағыт және бейіндік бағыт) және докторантураға (ғылыми-педагогикалық бағыт және бейіндік бағыт) қабылдау бойынша комиссияның жұмысы туралы есеп тыңдалды, сондай-ақ жаңа оқу жылына дайындық мәселелері қаралды.

Бұған қоса, Ғылыми кеңес мүшелері келесі құжаттарды талқылап, бекітуге ұсынды: «8D04201 – Сот және сот төрелігі» кадрларды даярлау бағыты бойынша білім беру бағдарламасының Академиялық күнтізбесі (ғылыми-педагогикалық және бейіндік бағыттар), «8D04201 – Сот және сот төрелігі» білім беру бағдарламасының Оқу жоспары (ғылыми-педагогикалық және бейіндік бағыттар), 1-семестрдегі білімді бақылау нысандары, Академияның жұмыс жоспары, Ғылыми кеңестің жұмыс жоспары, Қазақстан Республикасы Жоғары Сот Кеңесі жанындағы Сот төрелігі академиясының профессорлық-оқытушылар құрамы мен ғылыми қызметкерлерінің қызмет нәтижелілігін бағалау жүйесі (KPI) туралы ереже.

Сондай-ақ «Қазақстан Республикасы Жоғары Сот Кеңесі жанындағы Сот төрелігі академиясының профессорлық-оқытушылар құрамының педагогикалық жүктемесін жоспарлау туралы ережеге» өзгерістер мен толықтырулар енгізілді.