Сот төрелігі академиясы «Сот және сот төрелігі» бағдарламалары бойынша магистратураға қабылдауды жалғастыруда
Сот төрелігі академиясы "Сот және сот төрелігі" бағдарламалары бойынша магистратураға қабылдауды жалғастыруда
Қазақстан Республикасы Жоғары Сот Кеңесінің жанындағы Сот төрелігі Академиясының қабылдау комиссиясы келесі білім беру бағдарламалары бойынша магистратураға үміткерлерді тарту бойынша белсенді жұмыс жүргізуде: 7М04202 — бейінді бағыттағы «Сот және сот төрелігі » (оқу мерзімі-1 жыл); 7М04201— ғылыми-педагогикалық бағыттағы «Сот және сот төрелігі » (оқу мерзімі-2 жыл).
Оқыту мемлекеттік білім беру тапсырысы шеңберінде де, ақылы негізде де түсушілердің өз қаражаты есебінен жүзеге асырылады.
2025 жылдың 23 шілдесінде ақпараттық-түсіндіру жұмысы шеңберінде Академия өкілдерінің Қазақстан Республикасы Бәсекелестікті қорғау және дамыту агенттігінің қызметкерлерімен кездесуі өтті.
Қабылдау комиссиясы жауапты хатшысының орынбасары Д. Мергембаев және қабылдау комиссиясының техникалық хатшысы Г. Такишева магистратураға қабылдау ережелері, құжаттарды тапсыру шарттары мен конкурстық іріктеу ерекшеліктері туралы егжей-тегжейлі айтып берді.
Кездесу барысында қатысушылар өздерін қызықтырған барлық сұрақтарға толық жауап алды.
