Қазақстан Республикасы Әділет министрлігінің Қазақстан Республикасының Заңнама және құқықтық ақпарат институты «Адам, қоғам, мемлекет: Қазақстандағы конституциялық теңгерімнің жаңа моделі» тақырыбында ғылыми-практикалық конференция өткізді.

Іс-шара Астанадағы Ұлттық академиялық кітапхана алаңында өтті.

Конференцияның модераторы Қазақстан Республикасы Парламенті Мәжілісінің депутаты Амантай Жарқынбек болды. Қатысушыларға Қазақстан Республикасы Әділет министрлігінің Заңнама және құқықтық ақпарат Институтының директоры, заң ғылымдарының кандидаты Жанар Жигитекова құттықтау сөз сөйледі.

Конференцияға қатысушылар қоғамдық қатынастарды конституциялық және заңнамалық реттеудің теориялық және құқықтық аспектілерін, мемлекеттік органдар қызметіндегі Конституциялық қағидаттарды іске асыру мәселелерін, сондай-ақ құқықтық қатынастар субъектілерінің құқықтарын, бостандықтары мен заңды мүдделерін қорғаудың салалық тетіктерінің ерекшеліктерін талқылауға ерекше назар аударды.

Конференция жұмысына Қазақстан Республикасы Жоғары Сот Кеңесінің мүшесі Ж. Оспанова, Сот төрелігі академиясының профессоры, философия ғылымдарының докторы Т. Бурбаев қатысты. Талқыланатын мәселелер бойынша талқылауға Сот төрелігі академиясының профессоры, заң ғылымдарының докторы Л. Жақаева қатысты.

Конференцияға қатысушылардың, оның ішінде конституциялық реформа жөніндегі комиссияның мүшелері, мемлекеттік органдардың қызметкерлері, құқықтанушы ғалымдар, халықаралық сарапшылар мен азаматтық қоғам институттарының өкілдері қатысқан пікірталастар мен кәсіби пікірлерімен алмасу барысында заңнаманы және құқық қолдану практикасын одан әрі жетілдіруге бағытталған практикалық ұсынымдар әзірленді.