Қазақстан Республикасы Жоғары Сот Кеңесінің жанындағы Сот төрелігі академиясының Азаматтық-құқықтық пәндердің ғылыми-білім беру орталығының профессоры, заң ғылымдарының кандидаты Ержан Ошақбайұлы Егембердиев «Адам – жоғары құндылық» тақырыбындағы «Atameken Business» телеарнасында «Заң сөйлейді» бағдарламасына сарапшы ретінде қатысты.
Бағдарлама барысында Негізгі Заңда бекітілген негізгі құқықтар мен бостандықтарды іске асыру тетіктері, азаматтардың заңды мүдделерін қорғау тәсілдері, сондай-ақ құқықтық мемлекеттің қалыптасуы мен дамуындағы Конституцияның рөлі қаралды.
Заңның үстемдігін қамтамасыз ету мәселелеріне, адам құқықтары мен бостандықтарын қорғау кепілдіктеріне, мемлекет пен азаматтың өзара жауапкершілігіне, сондай-ақ қазіргі қоғамдағы халықтың құқықтық сауаттылығының маңыздылығына ерекше назар аударылды.
Сараптамалық пікірталас шеңберінде азаматтардың құқықтары мен міндеттері арасындағы тепе-теңдікті сақтаудың, басқа адамдардың құқықтары мен бостандықтарын құрметтеудің және әрқайсысының өзінің азаматтық және құқықтық міндеттерін орындауға жауапкершілікпен қарауының маңыздылығы атап өтілді.