Стамбулда адам құқықтарын қорғау мәселелеріне арналған Халықаралық практикалық семинар өтті, оған Қазақстан Республикасы Жоғары Сот Кеңесінің делегациясы қатысты.

Іс-шара Түркияның Сот төрелігі академиясының базасында Түркі сот-құқықтық даярлау желісіне мүше елдер – Әзербайжан, Өзбекстан, Қырғызстан және Қазақстан өкілдерінің қатысуымен өтті.

Қазақстан атынан Жоғары Сот Кеңесінің, Кеңес жанындағы Сот төрелігі академиясының, сондай-ақ Қазақстан Республикасы Бас прокуратурасының жанындағы Құқық қорғау органдары академиясының өкілдері қатысты.

Делегацияның қатысуы Жоғары Сот Кеңесінің халықаралық ынтымақтастықты дамыту, озық стандарттарды енгізу және судья кадрларын даярлау сапасын арттыру бойынша жүйелі жұмысының бір бөлігі болды.

Іс-шара барысында қатысушылар азаматтық және саяси құқықтар туралы халықаралық пактінің және адам құқықтарын қорғау туралы Еуропалық конвенцияның, сондай-ақ Адам құқықтары жөніндегі Еуропалық соттың тәжірибесінің ережелерін қоса алғанда, халықаралық стандарттарға назар аудара отырып, адам құқықтарын қамтамасыз ету саласындағы сот және білім беру институттары қызметінің негізгі аспектілерін қарастырды.

Қатысушы елдердің бейінді мекемелері арасындағы тұрақты кәсіби байланыстарды дамытуға ерекше назар аударылды.

Семинар тәжірибе алмасу, тиімді тәжірибелерді талқылау және одан әрі ынтымақтастықтың перспективалық бағыттарын әзірлеу алаңына айналды.